fyrirsögn

http://m5.is/?gluggi=frett&id=58906

Það er ekkert að marka svona fyrirsagnir þegar er verið að bera saman toppinn á góðærinu og daginn í dag. Þetta er bara leið fyrir blaðamenn að leika sér með fyrirsagnir. Það er ekki skrítið að Íslandingar halda að það sé bullandi kreppa þegar fyrirsagnir eru í þessum dúr. "nýskráning bíla búinn að dragast saman um 87% frá því í sama tíma og í fyrra" og fleirri fyrirsagnir sem er í rauninni eðlilegur hlutur en þegar þetta er sett svona upp þá er bara verið að sjokka lýðinn. 

Námsbækur úreltar á innan við mánuð

Ég er í áfanganum Fjármál 1 í Hí. Ég þurfti að kaupa kennslubók um fjármál fyrir þennan áfanga og það lítur út fyrir að hún verður úrelt eftir fjármálakrísuna í Bandaríkjunum. Það er mikið fjallað um og tekið dæmi um helstu fjárfestingabanka Bandaríkjanna sem eru ekki lengur til. Morgan Stanley og Goldman Sachs eru orðnir viðskiptabankar. Bear Stears og Merrill Lynch eru horfnir og  Lehaman Brothers er farinn á hausinn. Þar af leiðandi er enginn fjárfestingarbanki eftir á Wall Street. Það er frekar undarlegt að vera að lesa um þessa banka og reyna að læra þegar þessir bankar eru ekki lengur til. Manni líður einsog maður er að lesa eldgamla kennslubók en kennslubókin er alls ekki gömul. Hún var gefin út 2007.

Heimskur?

http://m5.is/?gluggi=frett&id=58316

Ef Lehman Brothers hefði náð botninum þegar KfW fjárfesti og síðan hlutabréfin rukið upp þá hefði yfirmaður áhættustýringar hjá KfW ekki verið rekinn heldur tekinn í guðatölu fyrir fjármálasnilli.

Erfið grein

Það eru margir hagfræðingar.. menntaðir eða sjálfskipaðir (nefni engin nöfn Guðni) sem hefa sína skoðarnir á hvað Íslendingar geta gert til þess að rétta efnahagslífið af. Af öllum þá treysti ég Tryggvi Þór Herbertsson mest af öllum. Hann er doktor í Hagfræði, hann var forstjóri hagfræðistofnun, hann stóð upp á stappai stáli í viðskiptalífi í niðursveiflunni 2006. Hann var forstjóri Askar capital áður en hann tók við sem efnahagsráðgjafi íslands. Hann lækkaði töluvert í launum eftir að hann skipti um starf og það er greinilegt að hann gerir þetta vegna hugsjón en ekki gróðrarfíkn. Flottur kallinn og ekki skemmir fyrir að ég hef skálað með honum þegar hagfæðin fór í víso uppí Askar Capital fyrir sirka ári síðan.

Skólagjöld og Háskóla Íslands

Ég fékk Röskvu auglýsingabækling sendan til mín í dag. Það var ekki mikið efni í þessu blaði. Þetta er tæknilega pólítiskur flokkur innan um Háskóla Ísland eg hann er að keppa um atkvæði við Vöku. Ef Röskva væri á alþingi þá væri hún Samfylkingin eða Vinstri græn en ef Vaka er meira í anda xd, xb og xf. Eina málið sem er áberandi í þessum bæklingi er niðurfelling skólagjalda eða innritunargjöld einsog það er kallað. Sigurður Kári félagi í Röskvu skrifaði grein í blaðið sem hann kallaði "skólagjöld nei takk" ein lélegasta grein sem ég hef lesið en jæja kannski er það vegna þess að ég er ósammála honum. Hann talar um að krefjast jafnar réttar til náms óháð þjóðerni, kyni, efnahag eða stöðu. Þetta er bara svo mikil rangfærsla vegna þess að Háskóli Íslands er ekki að gera á milli kyn.... það er ekki verið að banna stelpur í skólann. Háskólinn spyr ekki um þjóðerni og hvað þá stöðu sem þú gegnir eina sem Háskólinn krefst er stúdentspóf. Hann nefnir efnahag. Það kostar 45þúsund krónur á ári að stunda nám í HÍ. Sem gera 3750kr á mánuði það er enginn á Íslandi sem á ekki efni á þessu. Samkvæmt lágmarkslaunum þarftu að vinna hálfann dag á mánuði til þess að eiga fyrir þessu. Það er fínt að hafa smá gjöld í Háskólan bara til þess að sigta námsmenn sem eru að skrá sig í námið að hálfum huga. Það er dýrt fyrir ríkið að gera ráð fyrir nemendum sem leggja sig ekki fram og droppa út, það veldur kennurum óþægundum og einnig draga þeir úr námsárangri samnemenda sinna t.d þegar þeir eru í hópvinnu. Það er fínt að hafa hófleg gjöld í Háskólann til þess að halda fólki frá því að skrá sig í skólann uppá djókið. Einsog ekta jafnaðarmaður þá vill hann að ríkið ausi meiri pening í HÍ einsog ríkið á ekki nóg á sinni könnu einsog er. Það eru 14þúsund manns í Hí og hver nemandi borgar 45þúsund sem gera 630milljónir á ári... hvar eiga þeir peningar að koma? Kannski taka frá gamla fólkinu eða öryrkjunum.... neinei þetta er fínt einsog það er. Að hafa smá sigti til þess að vera með bekkjarfélögum sem stunda nám að áhuga og festu.

Busted

http://vf.is/Frettir/37459/default.aspx

Einsog þið getið séð á fyrri bloggfærslunni minni hef ég sterkar skoðanir á þessu máli og þær eru að mér finnst þessar lögregluaðgerðir ekki brot á mannréttindum og tengist ekki kynþáttarhatri á neinn hátt. Samkvæmt þessari frétt eru allt að 10 flóttamenn sem hafa vilt á sér heimildir sem gera 25% af öllum heilisleitendum á Íslandi. Er þetta þá ekki komið í ljós.... átti þessi aðgerð ekki fullkomlega rétt á sér? Ýmindið ykkur að löggan mundi ráðast inná hótel og bösta 25% af öllum dópsölum á Íslandi. Væri landinn sáttur eða mundu þau fara niðrí bæ og mótmæla? Þess má geta að lögreglan telur að eitthvað af þessu tengist mannsali..... er ekki mannsal verri glæpur en neysla fíkniefna??? Dæmir hver fyrir sig.

Það sem ég er að segja að maður á ekki að dæma fyrirfram. Ef það hefði enginn verið sekur á þessu Fit Hosteli þá mundi mótmæli vera réttlætanleg..... en sú var ekki raunin.

Barnaskapur og Samfylkingin

Það er eitt að segja og eitt að gera. Samfylkingin hefur verið mikið fyrir það að láta orðin tala en ekki verkin. Ég er sérstaklega að tala um ungt fólk sem skrá sig í Samfylkinguna vegna þess að þau vilja jafnræði og upphrópa Sjálfstæðisflokkinn og hans yfirgang. Við viljum að sjálfsögðu öll búa í fullkomnu samfélagi þar sem allir eru jafnir en það er hægara sagt en gert. Nú er ríkisstjórn XD og XS búin að vera við völd síðan í mai 2007 sem gera næstum eitt og hálft ár. Niðurstöður nýlegrar launakönnunar SFR sýna að kynbundinn launamunur er viðvarandi og vaxandi vandamál hjá hinu opinbera. Munurinn hefur aukist um 3% á millii ára hjá SFR. Óútsýrður launamunur kynjanna er nú 17,2%. Þegar talað er um óúskýrðan launamun þá er menntun, starfsreynsla, staða dregin frá og það sem eftir stendur af launamuninum er þar af leiðandi óúskýrður. Þetta segir okkur að eftir að Samfylkingin, hin mikli jafnaðarflokkur, hefur verið við völd þá hefur þessi munur aukist um 3%.... ekki minnkað heldur aukist. Það er eitt að vera með háleitar hugmyndir um jöfnuð og það er annað að taka á honum.... ég held að það sé ekki eins auðvelt og fólk heldur.

Brenglaður hugsunarháttur

http://visir.is/article/20080912/FRETTIR01/879883297

ótrúlegt hvað fólk lætur útúr sér. Það var enginn að segja að þeir væru dýr en ekki fólk. Það var rökstuddur grunur að fólk var að villa sér heimildir og það er ólöglegt þess vegna kom löggan. Mannréttindin tengist þessu ekki neitt. Ef þú brýtur lög þá kemur löggan sama hvað mannréttindi segja..... mannréttindin í þessu atviki var að löggan þurfti dómútskurð til þess að meiga gera eitthvað. Iranin telur að löggan var einungis að sína vald sitt og þær ásakanir dæma sig sjálfa. Hann kemur sem flóttamaður frá Iran til Íslands þannig að ég held að það skítur skökku við að gagngrína Ísland. Kynþáttur kemur ekkert málinu við. Hvorki ég né þú mátt brjóta lög.

Eimskip niður um tæp 80% frá áramótum

Það er ótrúlegt að fylgjast með frjálsu falli Eimskips... óskabarn þjóðarinnar einsog það er kallað þó að það sé óviðeigandi að kalla það óskabarn núna á þessum tímum. í júni þurfti eimskip að afskrifa 74 milljónir evra vegna Innovate. Það er 9,5 milljarðar íslenskar krónur einog gengið er í dag. Manni finnst skrítið hvernig hægt er að tapa 9,5 milljörðum á nokkrum árum. Stjórnin keypti Innovate á sínum tíma og manni finnst einsog Bretarnir seldu Eimskip köttinn í sekknum og þetta er dæmi um lélega stjórnendur að hafa látið blekkja sig svona. Allavega eru fyrrverandi eigendur Innovate dauðfegnir og eru líklega hlæjandi á leið í bankann sinn.

Núna nýlega varð Eimskip fyrir öðru áfalli.  XL Leisure Group varð gjaldþrota og skuld að upphæð 26milljarða fellur á Eimskip. Já 26MILLJARÐAR ÍSL KRÓNUR. Víst að Eimskip er óskabarnið okkar þá er þessi atburður í sambandi við Inovate svipað áfall og þegar löggan kemur með barnið þitt heim blinfullt með dry landabrúsa. Og XL Leisure atburðurinn er svipað og að finna krakkann sinn með heroinsprautu í handlegginum í einhverju dópistargreni. Jájá Björgólfs feðganir ætla að ganga undir bagga en þeir eru einungis að kaupa skuldina til að fresta henni... hún hverfur ekkert. Þeir eru líklega bara að gera þetta til að bjarga Staum og Landsbankanum því ef Eimskip fer á hausinn þá kemur það mjög illa fyrir þessi fyrirtæki. Og þessi aðgerð hjá þeim feðgum sýnir glöggt hvað Eimskip er stutt frá því að vera einfaldlega gjaldþrota...hmmmmm fyrirtæki sem var stofnað 1914.

En til að líta á björtu hliðarnar þá er Eimskip ennþá með traustan rekstur. Þ.e gámaflutningar með skipum (þeir hefðu betur haldið sig við skip en ekki flugvélar einsog XL Leisure sannar). Hlutabréf í Eimskip hafa fallið um tæp 80% frá áramótum og það er spurning hvort að verðið hefur snert botninn.Ef þú hefðir keypt fyrir fimm milljónir í Eimskip 1.Jan 2008 þá áttu eina milljón eftir í dag... til hamingju með það. Eimskip er með langa sögu og sterkan grunnreksturog það er spurning um að kaupa í Eimskip núna. Ég trúi ekki öðru en hlutabréfin hækka á næstu árum....... síðan kemur á móti hvort að þriðja áfallið fyrir Eimskip er væntanlegt. Þess má geta að Eimskip er ábyrgt fyrir 185 millj dollara láni frá Air Atlanta sem gera 16,8 milljarðar ísl kr. 

Wall street

http://m5.is/?gluggi=frett&id=57520

Þeir sem hafa séð myndina Wall street þá er þessi frétt keimlíkt þeirri mynd. Einhver "Gekko 2" seldi bréf sín í United Airlines fann einhver lærling til að toga í spotta og lauma gamalli frétt um greiðslustöðvun, viss um að viðkomandi frétt mundi stuðla að því að hlutabréf í United Airlines mundi hríðfalla. Svo þegar bréfin eru búin að hrynja um 75% þá kaupir "Gekko 2" öll bréf sín í United Airlines aftur. Síðan var fréttin dregin til baka og hlutabréfin hækka nánast í það einsog í byrjun dags og "Gekko 2" hefur grætt milljarða á einum degi.