Kreppa

Fjölmiðlar leiðast ekki á að tala um kreppu nú til dags. Það er allt að fara til helvítis samkvæmt fjölmiðlum á Íslandi. Ég er samt með einn góðan kreppu mælikvarða og það tengist hversu mikið Robert Wessman sér eftir að hafa gefið HR heilann milljarð. Mælikvarðinn er frá núll til tíu. Þegar hann er í núll þá merkir það að Róbert sér ekki neitt eftir að hafa hent milljarð í HR og er jafnvel að hugsa um að gera gott betur þ.e engin kreppa og mikið góðæri. Þegar mælikvarðinn fer uppí tíu þá er komin bullandi kreppa og Róbert Wessman sér svo mikið eftir að hafa gefið þennan milljarð að hann nagar á sér handarbakið á hverjum degi. Ætli mælikvarðinn er ekki fimm nú til dags. Maður sér kannski eina og eina svitaperlu renna af enninu hans Robba.