Framsókn.... og efnahagsvandinn

Efnahagsmálin eru búin að vera mikið í umræðunni seinustu mánuði og þá aðalega á neikvæðum nótum. En sá flokkur sem er hvað mest að gagngrýna stjórnvöld um efnahagsvandann er sá flokkur sem á síst efni á því. Siv og Guðni þá sérstaklega Guðni eru að hrauna yfir ríkisstjórnina og þá sérstaklega Samfylkinguna um að hafa klúðrað efnahaginum á Íslandi. Guðni notar hvert tækifær til að minna okkur á að það sé mikil verðbólga, húsnæðin að lækka, stýrivextir háir, hátt bensínverð, bitnar á þeim sem hafa hvað minnst á milli handanna og svo framveigis.... bara þetta venjulega. Ágætis formúla hjá kallininum til að redda sér smá atkvæði hjá almúganum en guð minn góður hvað þetta er mikil mótsögn. Það er Framsóknarflokkurinn sem er búinn að klúðra efnahaginum á Íslandi og ef ég væri í Framsóknarflokkinum þá mundi ég fela mig úti horni og vonast til þess að enginn færi uppá púlt að minnast á efnahagsmálin og þar af leiðandi aldrei tala um efnahagin að fyrra bragði.

Það er eyðslufyllerí hjá Framsókn og Sjálfstæðisflokknum sem hafa komið okkur í þessa þynnku sem við erum í núna. Þá er ég að tala um Kárahnjúka og þessi blessuðu húsnæðislánin. Kárahnjúkar var til þess að það streymdi endalaust mikið að erlendu fjármagni inn í landi og í raunni var bara örlögin á einn veg... what goes up must go down. Íbúðarlánasjóður fékk leyfi til að lána allt að 80% fyrir húsnæði á 4,15% vöxtum og bankarnir fylgdu í kjölfarið og það var á tímabili sem bankarnir voru að auglýsa 100% lán. Það stukku flest allir Íslendingar á þennan "fría" pening (meða annars ég :) og keyptu sér nýja íbúð eða endurfjármagnaði gömlu lánin. Þetta skinndilega peningaflæði um göturnar á Íslandi varð til þess að Íslendingarnir misstu sig. Guðmundur Ólafsson hagfræðingur og lektor á Bifröst segir að þetta húsnæðislánabull hafði miklu meiri þennsluáhrif en Kárahnjúkar allt í boði Framsókn enda voru þeir búin að lofa í gegnum sjónvarpsauglýsingar að gera þetta mögulegt og græddu mörg atkvæði á því og þess vegna keyrðu Framsókn þetta húsnæðisbull hratt og örugglega í gegn. Nú erum við að súpa seiðið á þessu eyðslusemi. Hagsveiflur fara einfaldlega upp og niður... því meira sem hún fer upp því lengra fer hún niður. Þess vegna gerir Seðlabankinn allt til þess að halda stöðuleika.... sem er ekki alveg að ganga hjá þeim. Hagkerfið er bara þannig að áhrif af aðgerðum koma ekki fram fyrr en miklu seinna. T.d ef stýrivextir eru hækkaðir þá bíta þeir ekki daginn eftir. Þeir byrja að bíta eftir svona 6-8 mánuði. Sama má segja um hagsveiflur.... eyðslufylleríið meðan Framsókn var við stjórn er að bitna á okkur núna. Það er ekkert sem núverandi stjórn hefði getað gert til þess að afstýra þessu. Ríkisstjórnin voru aðiens búin að vera við völd í sex mánuði þegar Framsókn byrjaði að skjóta á hana. Framsókn á enganveginn efni á að tala um efnahagsmálin þeir eru búin að klúðra þeim rétti ... því miður. Nýja ríkisstjórnin tók bara við sökkvandi skipi það er ekkert flóknari en það. Að kenna Samfylkingunni um efnhagasmálin er svona svipað og skipstjóri Titanic klessir á ísjaka og dettur fyrir borð og aðstoðarskiptstjórinn tekur við og skipið er að sökkva og það er kennt aðstoðarskipstjóranum fyrir að sökkva skipinu. Þegar efnahagsmálin bera næst á góma þá er best fyrir Framsókn að þegja.....svona rétt einsog MR Bean.

Dagur í lífi....

Ég les alltaf Markaðinn mér til skemmtunar og fróðleiks. Það er sérstaklega skemmtilegt að lesa "Dagur í lífi" pistilinn þar sem forstjórar lýsa fyrir blaðamanni hinn hefðbundna dag sem forstjóri í fyrirtæki. Yfirleitt eru forstjórar með pakkaða dagskrá frá morgni til kvölds og varla tími til þess að snæða mat og dagurinn endar yfirleitt með ýmsum lokaerindum þegar klukkan er að ganga tíu. Í Markaðinum í dag er Friðrik Sophusson forstjóri Landvirkjunar tekinn fyrir. Hann er mættur í vinnu klukkan átta og til kl níu fer hann yfir undirbúning fyrir næsta stjórnarfund Landvirkjunar síðan eftir það er bara hopp og skrall hjá kallinum. Frá kl níu til hádegis er hann að spjalla við starfmenn um tiltektardag þar sem allir leggja niður vinnu og finna rusl á skrifstofunni sinni og endurvinna það. Hann tekur tveggja klukkutíma matarhlé þar sem hann spilar fótbolta með félögum sínum og það sem eftir er dagsins er glens og gaman fólk að flokka pappíra, mesti snirtipinninn valinn og síðan grillpartý eftirá og hann er kominn heim klukkan sex. Venjan er að forstjórinn er engöngu að segja frá vinnu sinni en Friðrik deilir með okkur að um kvöldið var hann að plana fermingu, horfði á Chelsea Lverpool leik og endar kvöldið á sönvaraballi á Iðnó líklega bara til að filla uppí eyðurnar sem annars mundu myndast í þessum pisli. Það sem maður les úr þessum pistli er að hann kláraði bara einn klukkutíma í eitthvað sem getur kallast "alvöru" vinna þ.e frá átta til níu þar sem hann er að ræða um undirbúning fyrir næsta stjórnarfund restin er bara grín og glens. 

Ætli þetta sé ekki munurinn á opinberum starfmanni þar sem maður þarf ekki að hugsa um að hagræða eða græða það er nóg að treysta á skattpeningana því þeir eru ekki að fara neitt.

Hallo

Jæja núna er maður byrjaður aftur að blogga og undir nýrri síðu. Það mun koma í ljós hversu duglegur maður verður hérna en ég býst við að ég verð nokkuð duglegur allavega til að byrja með. En ég er kominn yfir á moggabloggið útaf því að ég mun fjalla meira um dægurmál og koma fram ýmsar skoðanir á málefnum og ég mun halda mér víðsfjærri einhverjum dagbókarfærslum um hvað ég hef verið að gera seinustu daga þannig að fyrir ykkur laumuperranna þá verður þessi síða ekkert til að hrópa húrra fyrir.