SS og tapið

http://m5.is/?gluggi=frett&id=74690

Það er ótrúlegt að fyrirtæki einsog SS getur ekki skilað hagnaði. Þú ert með vöru sem rokselst útum allt Ísland. Meðan þú lest þessa færslu eru líklega 10 - 20 manns búnir að panta sér eina með öllu. Síðan má ekki gleima öllum hinum vörunum sem þeir selja. Þeir eru með markaðsráðandi stöðu og það á beinlínis að vera erfitt að reka SS með tapi. Þú þarft allavega að fokka mikið upp 

Nemendur og Össur HF

„Í ljósi vaxandi eftirspurnar nemenda í viðskiptafræði á því að vinna verkefni um Össur hf. hefur verið ákveðið

að bjóða nemendum í viðskiptafræðideildum í heimsókn til okkar miðvikudaginn 11.mars 2009, kl.15:00.“

Svona hljóðar byrjunin á bréfi sem var sent til allra nema í viðskiptafræði Háskóla Íslands. Þetta bréf sýnir breytta tíma. Fyrir einu ári síðan fjölluðu flestar lokaritgerðir í hagfræði og viðskiptafræði um stóru bankana á Íslandi. Þar matti sjá lokaritgerðir einsog  „Landsbankinn í alþjólegu umhverfi“ eða „ Fjármálastjórn KB banka“ og svo framvegis. Nemendur horfðu með stjörnuaugum til bankana og draumastarfið var að vera einn daginn ráðinn til Kaupþing, Landsbankan eða Glitnis.

Nú eru bankarnir gjaldþrota og nemendur horfa til Össur HF. Þetta er hin nýja draumavinna. Nemendur hafa greinilega kíkt í Kauphöllina og valið það fyrirtæki sem stendur sig þokkalega og ákveðið að það sé besti vinnustaðurinn á Íslandi.

Fyrir mitt leyti er þetta vonbrigði. Það er ótrúlegt hvað viðskiptafræðinemendur geta verið hugmyndasnauðir. Það er mikil hjarðarhegðun í gangi. Núna er kreppa og þessi þekking sem felst í viðskiptafræðimenntun er verðmæt. Það eru 2600 nemar að læra viðskiptatengd fög, þetta eru miklir skattpeningar og eina leiðin til þess að skattborgarar fái eitthvað fyrir þessa peninga þá þurfa nemendur í Háskólanum að sýna frumkvæði. Íslendingar eru ekki að borga undir okkur nám  bara til þess að vera á höttunum eftir sama fyrirtæki.

Nemendur í Háskólum landsins eru ung og kraftmikil. Ætla mætti að þeir séu líka frumkvöðlar og afl í nýsköpun en svo er ekki. Þetta eru erfingjar Íslands og mikilvægt að þessir eiginleikar séu til staðar til að hífa Ísland aftur upp í fremstu röð þjóða.

CIA Iceland

https://www.cia.gov/library/publications/the-world-factbook/geos/ic.html#Econ

Nú er CIA búinn að uppfæra Economy - overview fyrir Ísland.

Fyrir nokkrum árum þá var Economy - overview bara smá klausa en núna er það með því lengsta sem gerist á þessari Worldfactbook síðu.

Gengið

Gengi krónu lækkaði um 80,24% á árinu 2008 í heild sinni. Maður spyr sig hvernig er hægt að borga af myntkörfuláni sem var tekið árið 2007. Þegar lánið næstum því tvöfaldast á einu ári. Lánin eru orðin miklu hærri en íbúðin eða bíllinn sem þú keyptir. Þó þú seljir eignina þá getur þú ekki borgað nema hluta af láninu og restin hangir yfir þér.

mogginn

http://www.dv.is/frettir/2009/2/22/astralinn-med-haesta-bod-i-moggann/

jæja mogginn komin í hendur auðvaldsins. gat verið. við getum ekki lifað í landi með frjálsum fjölmiðlum. firring mun vera ráðandi í framtíðinni og ekkert mun breytast.

Ólafur á framadögum

Ég var í stjórn framadaga og Ólafur forseti var verndari framadaga og ég fékk að ræða við hann sem var áhugavert. Hann hélt opnunarræðu. Hann sagði m.a að rannsóknar og menntunarmiðstöð í Dubai hefði boðið fimm til sex Íslendingum að stunda mastersnámið þar í landi. Í litlum bæ þar sem einungis menntafólk í þessum skóla býr. Þar er stundað nám um endurnýjanlega orku, vistfræði, ýmis orkurannsóknir. MIT háskólinn í Bandaríkjunum halda utan um þetta og þetta nám endar með mastersgráðu. Ólafur fannst þetta merki um hvað Íslendingar eru framalega þegar kemur að hugviti að Dubai sem er langt langt frá Íslandi og Ísland hefur ekki haft mikið pólítiskt samband við hafi boðoð Íslendingum að taka þátt í þessu með þeim og borga undir þá öll námsgjöld og uppihald.

Mogginn

http://m5.is/?gluggi=frett&id=74145

Ég er mjög spenntur fyrir þessum kaupum. Ég vona að almenningshlutafélagið hreppi hnossið. Vilhjálmur Bjarnason fer fyrir þessu félagi og ef þessi kaup ganga í gegn þá verður Morgunblaðið eini miðillinn sem er óháður stjórnmálaflokkum eða auðmönnum. Frábært mál. Ég mun gerast áskrifandi. Ef þetta gengur eftir þá vona ég að landsmenn sjái við sér og gerist áskrifandi. Erfitt í kreppuni en samt allir sem hafa efni á því. Einnig er í umræðu að gefa út 24stundir að nýju. Þá verður komið óháð fríblað á Íslandi og vonandi hætta Íslendingar að lesa Baugsmiðla svona eitt skipti fyrir allt.

Orðspor Íslands.

Þetta heyrist í umræðunni í dag: 

• "Það er hætta á að Sviss fari sömu leið og Ísland," segir bandarískur hagfræðingur.
• "Dubai er orðin Ísland suðursins" segir ónefndur aðili
• Janúarhefti The Economist er grein sem fjallar um gælunafn London. Þegar fjármálakerfið var að spretta upp var London kölluð Manhattan-on-Thames. Eftir hryðjuverkin var hún kölluð Londonistan. Eftir að rússneskir auðmenn settust að og keyptu fyrirtæki og fótboltalið var London kölluð Londongrad. En nú veltur blaðamaðurinn fyrir sér hvað á að kalla London núna eftir að fjármálakerfið í heiminum fór á hliðina. Niðurstaða blaðamans er Reykjavik-on-Thames.
• José Manuel Barroso, forseti framkvæmdastjórnar Evrópusambandsins, bar saman Ísland og Írland. Cowen forsætisráðherra Írlands brást illa við þessum orðum, og sagðist ekki líða að talað væri illa um Írland.

Það er búið að sverta orðspor Íslands svo mikið í alþjóðasamfélaginu að fólk gerir sér almennt ekki grein fyrir því.

Ríkið og gjöldin

Tryggvi Þór Herbertsson segir að það þarf að skera allt að einn tíunda niður í ríkisútgjöldum til að ná endum saman. En það sem vakti athygli mína er að útgjöld ríkisins hafa aukist um 43% síðan árið 2003 og ATH ÞETTA ER UPPREIKNAÐ Á VERÐLAGI ÁRSINS 2009. Miðað við það þá finnst manni 10% ekkert það mikið. Er ekki góð hugmynd að líta á hvernig málin voru árið 2003. Hvert fóru peningarnir þá? Hvaða stofnanir voru í gangi? Hvaða laun?

Færum ríkisútgjöldin í sama horf á og árið 2003 og spörum 43%. Ísland var þá eitt mesta velferðarsamfélag í heiminum. Kannski með færri sendiráð.

Það er líka undarlegt að á tímum Sjálfstæðisflokksins hafi ríkisbálknið þanist svona út. Þessi flokkur sem stendur fyrir lágmarks ríkisafskipti og frelsi atvinnulífsins.

Talandi um Tryggva Þór. Hann var spurður í viðtali ekki fyrir löngu síðan hvort hann ætlaði í pólítik. Hann harðneitaði fyrir það. Sagðist hafa fengið nóg af þessum skrípaleik þegar hann var efnahagsráðgjafi. En núna er kallinn kominn í framboð. Greinilega ekta pólítíkus segir eitt og gerir annað.

Þetta var samt góður leikur hjá honum. Stökkva frá sökkvandi skipi (Askar capital). Búinn að mjólka nóg af peningum þar og sá fram á atvinnuleysi. Réð sig sem efnahagsráðgjafi til að fá pólítiska reynslu og athygli. Fara svo í framboð. Flottur á því.

Einsog ég sagði

http://m5.is/?gluggi=frett&id=73616

Vilhjálmur var valinn VIÐSKIPTAFRÆÐINGUR ársins ekki hagfræðingur. Ég hef leiðrétt það áður þegar fólk er að kalla hann hagfræðing. Svipaðar námsgreinar en rétt skal vera rétt.

Síðan til marks um það að Geir H Haarde er með hagfræðigráðu sem flokkast undir skeinipappír..... nei kannski ekki alveg en Geir er með BA og MA í hagfræði sem er ekki haldgóð menntun að mínu mati. BS og MS er bertri en BA og MA. Í sambandi við BA, það er takmörkuð stærðfræði í þessu og hagfræðingur sem kann ekki stærðfræði á í rauninni ekki að vera til. Það setur honum allavega verulegar skorður þegar kemur að hagfræðilegum úrlausnum. Geir H Haarde var í viðtali hjá Sveppa og Audda og upplýsti þá að hann hafi verið í máladeild í framhaldsskola. Þar af leiðandi tók lágmark stærðfræði.